गुढीपाडवा-----सौ अंजली निलेश उज्जैनकर

 

गुढीपाडवा

मराठी नवीन वर्षाची सुरुवात करतो चैत्र,
शुद्ध प्रतिपदेपासुन सुरु होते नऊरात्र.
पाडव्याला गुढी उभारून करावे लक्ष्मीचे पुजन,
सुख, शांती ,समृद्धी चे सदैव व्हावे आगमन.

मराठमोळ्या परंपरांसोबत जपाव्या चालीरूढी,
अंगणात रांगोळी घालून उभी करावी मोठी गुढी.
साडेतीन  मुहूर्तात गुढीपाडव्याचाही आहे मान,
शुभ कार्यासाठी पलटावे लागत नाही पंचांगातील पान.

वस्त्र जरतारी, कडुनिंबाची पाने,सोबत गाठी साखरेची,
घ्यावी बांधून लोटी तांब्या किंवा चांदीची.
पुष्प हारानी सजवून, बोटे ओढावी हळदीकुंकवानी,
गोडाचा दाखवून नैवेद्य करावी आरती मनोभावानी.

नात्यातील मऊपणा राहू दे,
मनातील कटूता निघू दे,
शब्दातील गोडवा वाढू दे,
हीच भावना सदैव मनी असु दे.
गुढीपाडव्या च्या शुभेच्छा
                                
                                     सौ अंजली निलेश उज्जैनकर