मृदगंधाचे अत्तर शिंपीत
आल्या श्रावण धारा
धुंद सुगंधाने दरवळला
आसमंत सारा
ऊन पावसाचा जणू
लपंडाव चालला
आला आला म्हणता
पाऊस अचानक थांबला
शतधारांनी तृप्त जाहली
तृषार्त धरणीमाता
त्या ओल्या तृप्तीतुन फुलतील
हिरवे अंकुर आता
हिरवाईच्या विविध छटांनी
सृष्टी सजली सारी
निसर्गाच्या सृजनाची
सारी किमयागारी
हिरवा सुंदर श्रावण आणतो
सुखसमृद्धीच्या लहरी
आनंदाचे शिंपण करिती
रिमझिम श्रावण सरी
रिमझिम श्रावण सरी
सौ.नम्रता नितीन देव
No comments:
Post a Comment