अन्नासाठी दाही दिशा आम्हा फिरविशी जगदिशा
असे म्हणत इथे परदेशात आलो
पण येताना मनात आणि सामानात
आपला भारत देश घेऊन आलो
भारतीय दुकाने ,भारतीय माणसं
भारतीय चॅनल्स ,भारतीय मंडळे
सगळीकडे भारतीय पाळेमुळे शोधु लागलो
परधर्मी परदेशात आपली संस्कृती रुजवू लागलो
मुलांसाठी सारे सणवार यथासांग करू लागलो
मराठी भाषा ,मराठी कार्यक्रम यांची त्यांना जाण देऊ लागलो
देशातील घडामोडीनी इथे हळवे होऊ लागलो
देशावरील हल्ल्यानी इथे त्वेषाने पेटू लागलो
देशाच्या प्रगतीने इथे आनंदानी उचंबळू लागलो
प्रत्यक्ष देशसेवा जरी करू शकत नसलो
देशाच्या आर्थिक विकासात खारीचा वाटा उचलु लागलो
इथे येताना प्रत्येक वेळी आत काहीतरी तुटत असतं
हातातुन काहीतरी सुटल्यासारखा वाटत असतं
असे आम्हीं शब्दशः NRI आहोत
तिथे शरीराने न राहणारे
इथले मनाने भारतीय आहोत
सौ .नम्रता नितीन देव .
No comments:
Post a Comment