अर्थ प्रेमाचा
मना पासून प्रेम केलं फक्त तुझ्यावर
तरी शोधत बसते
अर्थ प्रेमाचा... काय असतं हे प्रेम?
मना पासून प्रेम
केलं फक्त तुझ्यावर
कायम तुला समजून
घ्यायचा प्रयत्न केला मी
तरी शोधत बसते
अर्थ प्रेमाचा... काय असतं हे प्रेम? आणि का
होतं?
सतत तुझी आठवण
येणं
हे प्रेम ?
का दिवसरात्र
तुझा विचार करणं
हे प्रेम ?
येणार नाही
माहीत असुनही तुझी वाट पाहणं
हे प्रेम ?
का तु जवळ
नसताना गर्दीतही एकटं वाटणं
हे प्रेम ?
मी बोलणारच नाही
तुझ्याशी ठरवूनही
बोलण्यासाठी
आतूरतेनं वाट बघणं
हे प्रेम ?
का त्याला गरज
नाही तर मी तरी का भाव देऊ
अस म्हणुनही
तुझ्या एका हाकेनं क्षणात विरघळून जाणं
हे प्रेम ?
तुझ्या एका
नजरेसाठी मन व्याकुळ होणं
हे प्रेम ?
का तुझ्या
मीठीसाठी आतुर होणं
हे प्रेम ?
तुझ्या साठी
वाटणारी काळजी
हे प्रेम ?
का आपल्या त्या
ख़ास मैत्रीत लपलेली खास माया
हे प्रेम ?
तुझ्या जगात
माझं स्थान काय हे माहित असुनही
तुझ्या सोबत
स्वप्न रंगवणं
हे प्रेम ?
का स्वतःच्याही
नकळत तुझ्यात पूर्ण गुंतून जाणं
हे प्रेम ?
तु समजून घेशील
म्हणून तुला वाटेल तसं बोलणं
हे प्रेम ?
का तुझ्या सर्व
चूका विसरून तुला जवळ करणं
हे प्रेम?
तुझ्यात जगणं हे
प्रेम?
का जगायला अर्थ
सापडणं हे प्रेम?
काय असतं हे
प्रेम?
-रुपाली मावजो
किर्तनी
No comments:
Post a Comment