गाजराचे भरीत----सौ नम्रता नितीन देव

 

गाजराचे भरीत

आपण गाजराची कोशिंबीर नेहेमीच करतो पण हे थोडंसं वेगळं, गाजराचे भरीत.

 

साहित्य -

२-३ मध्यम आकाराची गाजरं तुकडे करून कुकर मधून वाफवून घेतलेली,

पाव वाटी शेंगदाण्याचे कूट,

२हिरव्या मिरच्या,

बारीक चिरलेली कोथिंबीर २टे स्पून,

एक वाटी गोडसर दही,

चवी पुरेसे मीठ -साखर,२सुक्या लाल मिरच्या,

४-५कढीपत्त्याची पाने,

फोडणीचे साहित्य,२-३टी स्पून तेल फोडणी साठी

 

कृती -

वाफवलेले गाजराचे तुकडे कुस्करून घेणे व त्यात चवीपुरेसे मीठ,साखर,दाण्याचे कूट,फेटलेले दही हे सर्व साहित्य मिसळुन घेणे.दोन हिरव्या मिरच्या व पाव टी स्पून मोहरी मिक्सर मधे फिरवून घेणे व भरीता मध्ये मिसळणे.छोट्या कढईमध्ये फोडणीसाठी तेल तापवून त्यात मोहरी,जिरं,३-४मेथी दाणे,लाल सुक्क्या मिरच्यांचे तुकडे,कढीपत्ता,हिंग,व हळद घालुन खमंग फोडणी करून ती भरीतावर ओतणे.बारीक चिरलेल्या कोथिंबिरीने सजवून चवदार भरीत पोळी-भाकरी बरोबर सर्व्ह  करावे.

 

सौ नम्रता नितीन देव