वेडावलेलं मन
वेडावलेलं मन माझं
चार चौघात
शोधतंय तुला
सभोवताली सगळे
तरी
समोर तूच दिसतोस
मला
प्रतिबिंब तुझं
पडलंय असं
वेड्या वेड्या
मनात माझ्या
प्रत्येक श्वास
हृदयाचा
आठवणींनी भरून
येतो तुझ्या
प्रेम बसलंय
काळजात
वय वाढतंय
वर्षांनी
मन माझं वेडं
आजही
शोधतंय चारही
दिशांनी
विचार येतोय कधी
असाच
तुलाही असंच
वाटतंय का
जवळ तुझ्या नसते
तेव्हां
उणीव तुलाही
भासते का
सोडून गेले हे
जग मी
तर दिसणार का रे
मी तुला?
चार चौघात
तेव्हां असाच
शोधशील का रे तू
मला?
- रुपाली मावजो किर्तनी
No comments:
Post a Comment