श्रावण
श्रावण आला श्रावण आला, हिरवे रान बहरू लागला.
सणासुदीचा महीना आला, चला गं पुजू शंकराला.
मंगळागौरीच्या पुजेला, हळदीकुंकु देऊ सुवासिनीला.
शृंगार करूनी रात्री ला , फेर धरूया जागराला.
नागपंचमी च्या सणाला , चला गं सख्यांनो माहेराला.
कृष्णाचा झुलवू पाळणा, गोकुळ अष्टमी च्या सणाला.
अतूट प्रेमाच्या नात्याचा , राखी पौर्णिमेचा सण हा आला.
देवाला करू प्रार्थना, दृष्ट न लागो बहिण भावाच्या प्रेमाला.
स्वातंत्र्यदिनी राष्ट्रीय गाण गाऊनी, सलामी देऊ तिरंग्याला.
मानवंदना देऊ त्या शहीदांना , ज्यांनी दिले ,प्राण या देशाला .
शेतात राबणाऱ्या बैलाचा , सण हा आला पोळ्या चा.
ओवाळू सजलेल्या बैल जोडीला, घास भरवू या पुरणाचा ,
गणरायाच्या स्वागताला ,ढोल ताशे घ्या सोबतीला.
दहा दिवसांचा सण हा आला, उधाण आले आनंदाला.
--सौ.अजंली नीलेश उज्जैनकर
No comments:
Post a Comment