तारका .......श्रेया पटवर्धन

 

तारका .......

अगदी आत्ताच हवेत गारवा जाणवू लागला होता .
बाहेर बघितलं तर मस्त वारा सुटला होता .
गार वार्‍याच्या स्पर्शाने मन शहारून आले .
मनात म्हटलं चला थोड फिरून येऊ .
हल्ली कोरोनाच्या धास्तीमुळे बाहेर पडावं असं वाटतच नाही .
तरी मास्क लावला आणि पडले बाहेर !
घड्याळावर नजर पडली तर अकरा वाजत आले होते .
life फार secured आहे हो Abudhabi मधे !
इथे म्हणजे कधीही बाहेर पडा भीतीच काहीच कारण नाही .
समोरच गार्डन मध्ये आले आणि एका बाकावर जाऊन बसले .
सगळी झाडे चंदेरी रंगाची भासत होती .
जणूकाही सगळ्यांनी चंदेरी रंग न्याला आहे .
आकाशीच्या तारकांचा प्रकाश सर्वत्र पसरला होता ..
मोहून गेले मी त्या शीतल प्रकाशात ...
किती सुंदर दिसत होत्या तारका ....
इतक्या दूरवरून पण माझ्यापर्यंत प्रकाशाची उधळण करत होत्या .
मनात म्हटलं या तारकांसारख आपल्यालाही वागता आलं पाहिजे .
स्वतःच्या अस्तित्वाची जाणीव नसुन पण प्रकाशत राहिले पाहिजे .
मी आणि फक्त मी !
अर्ध आयुष्य फक्त माझाच विचार करण्यात व्यतीत होतं ....
त्या तारकांच सगळच जीवन फक्त प्रकाशमान होण्यात जातं .......
किती स्वावलंबी आहेत तारका.....
मनात विचार आला सतत आपल्या गरजा वाढत असतात ,
अगदी मरेपर्यंत काहीतरी इच्छा असतेच !
चला हे परावलंबी विचार आता थांबवूया ....
ह्या तारकांसारखे तेजपुंजाळत दुसऱ्यालाही आनंद देऊया .......


श्रेया पटवर्धन