शब्द --------------- -डॉ.प्रज्ञा जोशी

 

शब्द                                                    -डॉ.प्रज्ञा जोशी                            

शब्द नाद         शब्द संवाद

शब्द सृष्टी    शब्द दृष्टी

शब्द भक्ती    शब्द शक्ती

शब्दांविण व्यर्थ सारे…….

 

शब्द आदि     शब्द अंत

शब्द थोडे      शब्द अनंत

शब्द आनंद      शब्द खंत

शब्दांविण व्यर्थ सारे …….

 

शब्द लख्ख प्रकाश        शब्द किर्र काळोख

शब्द अणकुचीदार शर       शब्द हळुवार फुंकर

शब्द शांत सागर लहरी     शब्द अवखळ पाऊस सरी

शब्दांविण  व्यर्थ सारे …….

 

शब्द सहज     शब्द अवघड

शब्द शांतता     शब्द बडबड

शब्द तृष्णा     शब्द जीवन

शब्दांविण व्यर्थ सारे …….

शब्द समृद्ध     शब्द अतृप्त

शब्द संयमी      शब्द उन्मत्त

शब्द श्वेत       शब्द कलंक

शब्दांविण  व्यर्थ सारे .……

 

शब्द शस्त्र      शब्द शास्त्र

शब्द उगम      शब्द मीलन

शब्द दिन       शब्द रजनी

शब्द म्हणजे तू अन मी !!